الشباب كلهم هيعرفوا ربنا ويصلوا (ربنا يهديكوا )
ومش هيبقى فى كليبات لبوسى سمير ولا لهيفاء ( كده كده بكرهها )
ومصر هتبقى الدوله الاولى على العالم ( اصل الستات اكتر من الهم على القلب )
وهناخد كاس العالم ( اللعيبه هتفكر فى الكوره مش فى مشاكل زوجاتهم )
هنحل القضيه السكانيه ( اخيرا هنحقق المستحيل ونتقدم )
ومافيش راجل هينزل من البيت متعكنن ( يعنى هينزل مبسوط ورايق لا زوجه تقولك هات مصروف البيت ولا غيره )
ومش هتحصل اى حوادث على الكورنيش ولا كوبرى قصر النيل ( عشان البنات اللى بتبقى عالكوبرى بيلفتوا النظر ماهم بنات اخر زمن )
وعمرك ما هتلاقى ولد بيتخانق مع صاحبه ( ما اصل هم سبب البلاوى والخناقات )
وكل الرجاله الحمد لله مش هترتكب اى معاصى وهتدخلوا الجنه انشاء الله لانه فى بحث اثبتت ان كل الزنوب بتكون بسبب البنات
1-السرقه الحرامى بيسرق عشان يجيب للهانم اللى هى عايزاه ( الحمد لله هيبطل سرقه )
2-غض البصر بما ان مش هيبقى فى بنات فمش هنلاقى ولا الجيبات الميكرو ولا الباديهات ولا الكتات والكلام اللى كلنا عارفينه ( يعنى كسبنا حسنات )
انا عارفه ان كل البنات اللى هيقروا الكلام ده هيموتونى بس يلا العمر واحد والرب واحد نكمل كلامنا ( انا تحت حمايتكم يا شباب )
3-ما فيش ولا ولد هيخسر صاحبه ( عشان ساعات الاتنين بيحبوا بنت واحده ويتخانقوا عليها وفى الاخر تطله لا بتحب ده ولا ده يعنى هتحافظ على اسم ومعنى الصداقه )
ولا الراجل هيلاقى اسراره كلها بره البيت وسيرته على كل لسان ( اصل الستات رغايات ولسانهم ما يتبلش فيه فوله )
انخفاض حاد فى قيمه الاستهلاك الشهرى لفاتوره المياه والكهرباء ( اه ما الهانم لازم تدلع )
الرخام سيعم البلاد مما يؤدى الى اختفاء ظاهره الشحاتين من البلد ( اخيرا تقدمنا اقتصاديا )
ولا الواحد يطلع عين اللى خلفوه عشان يرمى فى جيب الدام اخر الشهر (فلوسك هتفضل فى جيبك دايما )
على الاقل مش هتقوم كل يوم مفزوع من النوم لما تتقلب على السرير وتلاقى فى وشك مراتك ( وشك يا حبيبى ولا .... )
طلاب الثانوى هيفرحوا اوى عشان المنهج هيقل ( بسبب الغاء بعض مناهج النحو مثل باب التانيث )
نهايه التحقيقات اجهزه الامن المنزليه والاستجوابات الزوجيه البشعه ( انت رايح فين وجاى منين انتهت )
وكفايه انهم هيلغوا ادويه الصداع وضغط الدم من الصيدليات ( يعنى مزاجك هيكون رايق علطول )
واخيرا ممكن الزمالك ياخد الدورى ويكسب الاهلى !!!!!!!!!!!!!!!!!!!!!!!!!!!!!!!!! اكيد هتقولولى ليه بس معرفش
ممكن عشان البنات وشها نحس على الزمالك
انا حاسه انى هلاقى هجوم عنيف من البنات
بس الموضوع لا يتعدى مرحله الهزار
افرحوا ياا شباب سايبينهالكوا مخضره
عيشوا اللحظه
الاثنين، 16 يونيو 2008
الاشتراك في:
تعليقات الرسالة (Atom)
هناك 33 تعليقًا:
اول تعليييق
هيييييييييييييييييييه
بس الدنيا كده هتبقى كئيبه قوى معقول يبقى مفيش مزز
يا خرابى
يا دهوتى
يعنى البلد هتبقى نشفه كده
هههههههههههههههههههه
بوست جميل احييكى
البوست مميز وعجبنى
بس هقول ليكى حاجة ان اللى طالبتى بية خارج عن طبيعة الحياة والطرفين
لان كل طرف مستحيل يستغنى عن الطرف التانى لااخر العمر
واى شىء خارج عن الطبيعة بيكون فاشل وغير ناجح
انا فاكر فيلم عربى قديم فكرتة كانت عن ثلاث شبان كلهم اتفقوا انهم يسبسوا خطيبتهم وكمان مش يشوفوا ستات خالص
تعالى بعد فترة من الحياة بدون ستات وصادفت ست عريتها تعطل قدام البيت اللى عايشين فية اتشقلب حالهم وكل واحد عايز يظهر بظهر كويس قدامها لحد ما فى الاخر كل واحد رجع الى خطيبتة
اتمنى تشرفينى فى مدونتى افكار حرة 1
تحياتى
أول مرور ليا بمدونتك
وكمان حظي حلو أنه أول تعليق علي البوست
موضوع جميل ودمه خفيف
بالمناسبة أنا طبيب وكنت ناوي أتخصص نسا .. كده أبدا أفكر في حاجه تانيه
ههههههههههههههه
أتمني أنك تنوري مدونتي واسمع تعليقك
هيه هيه اول اول تعليق
وبما انى ولد احب اصدمك واقولك الحياة من غير ستات هاتبقى غتته جدا
حد يقدر يعيش من غير الصنف الحلو؟
دسيسه فى وسطنا يا رجاله ههههههههههههههه انتى دسيسه يا دودو ههههههه تعرفى عندى واحد زميلى بيقولى لو الستات قعدت فى البيت اقتصاد مصر هيتصلح هههههههههههههههههههههههههههههه
هو بصراحه البوست حلو
ودمه خفيف اوي
بس علي فكره البنات ليهم دور برده
او بمعني اصح الامهات
بس البوست حلو بجد
فعلا الاولاد بيتشاكلوا ع البنت
وحاجه استغفر الله العظيم
وحكايه المعاكسات دي
بقت فن والله
تسلم ايديك يا جميل
واسعدتيني كتير بزيارتك
بنت مصريه
قصدك يعنى مش هيبقى فيه حاجه طريه فى البلد
هههههههههههههه
شكرا على مرورك واتمنى زيارتك دايما ليا
تامر نبيل
اكيد يعنى ده مش هاينفع
انا كنت بهزر يعنى من اجل الضحك وبس
شكرا اوى على المرور واتمنى تنورنى دايما
فارس
مش عارفه اقولك ايه
بفرح اوى لما الاقى ناس جديده منورانى
ياريت تشرفنى علطول
وبالنسبه للتخصص امراض نسا ايه ياراجل
دول بقوا اكتر من الهم على القلب
الموجه الزرقا
كده برضه تصدمنى وانا اللى بقول فى حمايتكم يا شباب
ماشى يا عم الحياه من غيرنا غتته
نورتنى واتمنى التشريف دايما
ابى
انا دسيسه فين الشباب
يا جماعه حد يدافع عنى شويه
انا شويه شويه هايعملولى محاكمه عسكريه
بس لو الستات قعدت فى البيت هانخرب بيتهم احنا من متعه وخروج وسفر ورحلات
مش كده احسن برده
شرفتينى ونورتينى ويارب الاقيكى علطول
زوزو
بقت حاجه تقرف المعاكسات
بس برضه فى بنات تحب تتعاكس قال ايه
بيحسوا بجمالهم
بنات اخر زمن ههههههههههههه
شكرا يا زوزو على مرورك وعايزه اشوفك علطول
نورتينى
لا طبعا
خدعوكى وقالوا سبب المصائب الستات
مش صحيح
بدليل وجود الجريمة من ايام هابيل وقابيل
وزى ما فيه ستات وحشه فيه رجال اوحش
تحياتى
انا جييييييييت
معلش بقه يا دوودا مشغول حبتين
المهم
ايه يا بنتى بقى معقول برده ما يبقاش فيه ستات
امال يعنى عنينا هتطلع على مين فى الرايحه والجايه
ولا هنعاكس مين نبقى نعاكس نفسنا احسن
ومعقوله ما نتفرجش على طنط هيفاء اللى العيبه ما بتطلعش من بقها ديه حتى بتغنى وهى مجروحه وبتقولك بوسى الواوا
ايه يعنى مش هيبقى فيه بنات عنب كده على الكورنيش او فى اى مكان
ايه مش هيبقى فيه مزز
بس اتعجب اوى ازاى صاحب يخسر صاحبه عشان واحده بنت
ده حتى على راى المثل
الراجل بميت ست ولو جات الست نتعرف عليها كلنا
هى ديه الصداقه
(بس ياريت تبقى موز موز موز )
وبرضه اهه كترتكم بتنفع الايام ديه
يعنى وشكم نحس على الزمالك
خلوا الاهلى يعيش حياته ويكسب
بوستك جميل وزى العسل يا دوودا
ايوه كده هم دول شباب هندسه لما يخلصوا يبدعوا مش تقوليلى مش عارف ايه يعنى ناس تحترم الاخرين وترد على تعليقاتهم مهما كانت
يالا يا جميل
مع خالص تحياتى
الباش مهندس بوحميد
مستر ايجيبت الشهير بابو حميد
كنت محضره نفسى هتكون انت اول واحد يعلقلى
ايه يا بيبو هو انا لازم يعنى اجيلك واتحايل وشويه وهبوس الايادى عشان سيادتك تتكرم وتعلق
هى ديه اخرتها يا هندسه
طبعا انت عايز الستات تبقى موجوده عشان عنيك اللى قد كده ديه اللى يندب فيها رصاصه ههههههههه (بعد الشر )
وادينا موجودين اهه عشان بس خاطر الاهلى يكسب الزمالك عارفاك اهلاوى جامد اوى زيى كده
واكيد يعنى يابو حميد هرد عليك انا عارفه انت تقصد ايه بس انت زودتها اوى بس لو يعرفوك هيعرفوا انك بتهزر بس براحه شويه
نورتنى يا بيبو
المدونه حلوه بجد
والبوست يجنن
مش ها تكون الزياره الاخيره
محبتى يا قمرايه
نودى
شكرا على مرورك
خليها تبقى الاخيره عشان امسك فيكى ومش عارفه هاعمل ايه
بس حاجه لا يحمد عقباها
كلام على بلاطه
ياعم احنا عاملينها عشان نضحك ونهزر شويه
لا ده هايحصل حقيقى ولا اى حاجه
نورتنى
هاي دودى
الدنيا من غير ستات متبقاش دنيا
الستات هما نكهة الحياة
وبعين لو مفيش ستات ازاي هكمل نص ديني
sayed
ارجو زيرة مدونتي
myfreedom-spower.blogspot.com
سبور
على فكره انتوا دماغكم تعبانه اوى انا بقول ان ده كله من اجل الضحك ماعمر ما ده هايحصل ان الحياه ما يبقاش فيها ستات
نورتنى وانشاء الله لما افضى ازورك
السلام عليكم
شوفت مدونتك من عند زوزو
بجد مدونتك هاديه ودمها خفيف
وان شاء الله هزورك دايما
واتمني تنوريني
تقبلي مروري
برقش
اول زياره
محدش يقدر يعيش من غير الحب مفيش حب من غير نساء مفيش جمال من غير نساء مفيش حياه من غير نساء الدنيا من غيرهم مش موجوده وزى مفيه زهره دبلانه فى زهره مفتحا اعظرينى محدش يقدر يعيش من غرهم
بوستك مميز وجميل جدا جدا جدا
اتمنى قدومك بى اقصى سرعه
ههههههههههههههه
بس برضو بينى وبينك البنات بترى القاعده
البنات بتخلى الدنيا دمها خفيف وناعمه
كمان مش هيكون هناك شعر عاطفى
ومش هيكون هناك حب
ومش هيكون هناك مشاعر دافيه
ومش هيكون هناك حنان
ومش هيكون هناك كلمه ربنا ميحرمنيش منك (علشان ديما الى بيقولها بنات)
ومش هيكون هناك موده ورحم لان ربنا خلقها بين الجنسين
ومش هيكون هناك المدونه دى والبوست الجميل ده
البوست بتاعك دمه زى العسل وفطسنى من الضحك
لكن بينى بينك الولاد يشتكوا من البنات اه ويتعبوا منهم اه لكن يستغنوا عنهم لالالالالالالالالا
الحياه من غير البنات وحشه اوى
طبعا اقصد بالبنات كل الجنس الناعم مش البنات بس
افكارك جميله اوى
تحياتى
اه في كتير بيحبوا يتعاكسوا
بنات اخر زمن والله
فين يا ستي بوستاتك الحلوه التانيه
اكيد ان شاء الله هتشوفيني ع طول
برقش
شكرا على كلامك الجميل ده
وتنورنى فى اى وقت دايما باذن الله
ادم المصرى
طبيعى ان احنا البسمه الموجوده فى الحياه
من غيرنا مش هتعرفوا تعيشوا
نورتنى
ممكن
البنات طبعا احنا الكل فى الكل
من غيرنا لا حياه
بس احنا عاملينها عشان نضحك ونهزر
شرفتنى
زوزو
ما تستعجليش يا زوزو
الجايات كتير وانا بحضر لموضوع جامد كده
هيعجبك اوى
ههههههههههههههههههههههههههههههه
لو مفيش ستات من بتوع اليومين دول
يبقى كلامك كله صح
لكن بوجه عام انا بعترض طبعا
وطبعا عصرنا ده فى ستات كتير مش كتير اوى يعنى كويسين
بس قربو ينقرضو
السلام عليكم
بجد البوست جميل
بس كده يعنى تشمتى فينا الاعادى
دا انتى المفروض الى تنصرينا عليهم
المفروض المره الى جايه تعكسى علشان تجيبى لينا حقنا
سلام يا قمر
الحمد لله وشهد شاهد من اهلها
عارفة مرة حسني مبارك قال ان لوالستات قعدت في البيت مشكلة البطالة هتتحل بس لحق نفسه وكمل بس طبعا مانقدرش قول للستات اقعدوا في البيت دلوقتي.. يظهر خاف من سوزي ترفع عليه ابو وردة
تحياتي ليكي
ياريت لو تشيلي تأكيد الكلمة لسهولة التعليق
اولا دى اول زيارة ليا
ومبسوط جدا من اللى بتقوليه وتفق معاك 100%
وكمان مننساش ان هنرتاح من مصطلحات كتير وحشة زى مثلا
الجريمة مؤنثة
الخيانة مؤنثة
الغباوة مؤنثة
السماجة ..الغلاسة .. الغتاتة ..
وكملى بقى انتت
بس بردو احيانا الواحد بيبقى مفتقد النوع دة من الغلاسة
برافو عليك
...........
نور الدين محمود
مدحت محمد
باين عليك من الناس الى بتحب تبصبص
وعلى رايك غالب الستات دلوقتى وحشين
والحلوين قربوا ينقرضوا
شكرا على الكلمتين دول وانا اسيب البنات هم الى ياخدو حقنا منك
نورت
نون
لا شماته ولا حاجه
هو حد فيهم يعرف يفتح بقه
واوعدك المره الجايه هجيب حاجه ارد بيها على الشباب الى شايفين نفسهم
نورتى
مصطفى
انا خايفه ارد عليك تكون متراقب
ونروح انا وانت فى داهيه
خلينا جنب الحيط انا ورايا كليه
نورت
نور الدين
لا ماهو مش عشان انا سكت فى الاول حضرتك تسوق فيها وتشتم
كل ده كان فى سبيل الهزار
لكن كل واحد يلزم حدوده
نورت
إرسال تعليق