مع بابا .. دخلتى المطبخ ما دخلتيش كله واحد وممكن باباكى يساعدك
انما مع جوزك مش بمزاجك هاتدخلى هاتدخلى
مع بابا .. فى العيد بيديلك العيديه وفوقيها بوسه
لكن مع جوزك بيقول انتى خلاص كبرتى على الحاجات ديه
مع بابا .. بتنامى وتصحى وقت مانتى عايزه
مع جوزك وقت ماهو عايز او مع مواعيد شغله
مع بابا.. بتشترى هدومك ومكياجك وكل اللى انتى عايزاه ويقولك حلو اوى عليكى
لكن مع جوزك بيشترى لك برضه لكن ما قل ودل ويقولك فلوسى والمرتب
مع بابا .. لو حصل حاجه مثلا وكنتى زعلانه بيزعل علشانك
مع جوزك بيزعل منك ويلومك ازاى تزعليه اصلا
باباكى كلمه حلوه ترضيه
انما جوزك بيروح ينام فى الاوضه التانيه
بابا .. لما تدلعى عليه بيفرح بيكى
انما جوزك بيقولك اكيد عايزه حاجه
باباكى .. لما تقولى له ده حصل كذا كذا بيهتم ويصدقك
انما جوزك بيقولك الموضوع ده وراه انه ويشك فى كلامك
بابا .. لو شافك بتعيطى هايمسح دمعتك
انما جوزك هيقولك يادى النكد
مع بابا .. لو حاطه مكياج فاقع شويه هيقولك الهادى عليكى احلى
لكن جوزك هيقولك عامله زى عروسه المولد
مع بابا .. لو طلبتى دوا من الصيدليه جرى هينزل يجيبه
لكن جوزك هيسالك بكام الاول
بابا .. لو طلب منك كوبايه ميه بيقولك لو سمحتى عايز ميه
انما البيه يقولك قومى هاتى الميه
لو بتتفرجى على التليفيزيون مع بابا .. هايسيب لك الحريه تتفرجى على اللى انتى عايزاه
لكن المحروس مافيش قدامك غير الاخبار يا الكوره يا ميلودى
بابا لو نازل مشوار بيعمل ليكى اعتبار ويديكى خبر
لكن جوزك بيختلس عدم وجودك قدامه عشان ينزل من وراكى ولو قفشتيه يقولك انا نازل ويقفل الباب بسرعه
لو محتاجه فلوس فى حاله طارئه بابا هيديكى من عينيه
لكن جوزك هيقولك خدى من بابا
لو جالك مكالمه غلط على موبايلك بابا هيقولك حصل خير
لكن جوزك هايتهمك بالخيانه
لو ما فيش فى التلاجه غير ازازه بيبسى واحده بابا هايسيبهالك بنفس راضيه
لكن جوزك هايقول معلش انا لازم ابلع او هيقسمها معاكى
لو اتزحلقتى على الارض باباكى هيجرى يشيلك
جوزك هيقعد يضحك ويقولك مانتى الى مش منشفه الارض كويس
لو نفسك تغيرى مكان السجاده باباكى هيقولك عنك دى تقيله عليكى
لكن جوزك هيقولك مش ضرورى وجع القلب ده
لو العربيه عطلت بيكى بابا هيقولك اقفليها وتعالى وانا هتصرف
جوزك هيقولك ماتركبيش العربيه تانى
لو حكيتى لبابا على واحد عاكسك هايقولك معلش وبعدين عنده حق مانتى جميله
انما جوزك هيقولك انتى الى مش ماشيه محترمه يا هانم
لو مقدمه على شغل باباكى هايوصى عليكى طوب الارض
لكن جوزك مش هايتعب نفسه ولا يهمه اصلا وهايقولك يعنى انتى هاتشتغلى وزيره
باباكى لو لاحظ انك متخانقه مع اختك هايصالحكوا على بعض
لكن جوزك هيقولك خليهم يولعوا دول عيله عجب
مهما باباكى كان متضايق لا يمكن تكلميه وتلاقيه مكشر
لكن جوزك لو متضايق مصر كلها هتنكد عليكى استحملى
والله القعده فى بيت ابوكى احسن
الاشتراك في:
تعليقات الرسالة (Atom)
هناك 15 تعليقًا:
يا ساتر
للدرجادى شايفانا وحوش؟
وعموما دا كان زمان لكن دلوقتى ممكن البوست دا يتعكس بمنتهى السهوله ويكون الفرق بين مامتك ومراتك
تحياتى
هههههههههههههههه
هو زمن سي السيد
خلاص عدي
فعلا في رجاله كده
بس قليل اوي
اعتقد ده
معلشي لو مش متابعه عشان النت عندي كان وحش شويه
تحياتي للبوست الجامد ده
انا مش معاكى فى الى انت كتباه يا دودا
والله بالعكس
فى ابهات عايزين يتغيرو من التوكيل
وسعات الازواج بيكونو حنين
ياريت تغير رايك
سلامى ليكى يا جميل
الللللللللله
ايه ده يا دوودا هو ده رايك
طب ابقى خللى بابا ينفعك
بصى اقعدى جمبه واوعى تتجوزى
اصلهم بينى وبينك كده ماعدوش مضمونين
وعلى راى الافلام المصريه القديمه كل الرجاله شبه بعضيهم
ماشى يا دوودا
احييكى على البوست ده
عجبنى اوى بتاعه المطبخ ديه
بس مع جوزك هتدخلى المطبخ يا اما هتاخدى على دماغك ههههههههههههههه
وما تبقيش تتقمصى عشان انا مش بدخل علطول واسيب تعليقى
انا فعلا مش فاضى وانتى عارفه لو فاضى هبقى طبعا اول واحد يعلقلك
تحياتى ليكى يا هندسه
الباش مهندس بوحميد
يا بنتى دا زوج م الباطنيه ده
لا هم مش سيئين للدرجه دى
وبعدين الحق عليكى ازاى تسيبيه يتفرج على ميلودى واخلاقه تبوظ انتى مش عارفه
ان ميلودى تتحدى الادب
بنات اخر زمن
بس ولا كلمه
هههههههههههههه
بوست جميل يا قمر
احييكى
ههههههههههههههه
حلو اوى بس عازوزة اسالك مين اللى قاليك على الصورة البشعة دى لزوج المستقبل اعتفقد انك مش متجوزة عاوزة اعرف مين قلك الصورة دى و لو عاوزة تعدلى الصورة دى شويه اتفرجى على
المسلسل التركى "نور" على "mbc 4" الساعة 10 مساءا
دى نصيحة من اختك نونى اكيد لما هتتفرجى عليه الصورة هتتغير شوية
"تحياتى" '
blue wave
كان زمان بيحصل كده ايام سى السيد
الراجل يدخل تبقى مراته قدامه وكانها خدامه ممكن يكون الاسلوب اتغير
اكيد الراجل دلوقتى افضل بقينا بنعرف ناخد حقنا منه
شرفتنى
zozo
مش بقولك يازوزو ناقص يقعدونا فى بيوتنا واغسلى واطبخى وخلى بالك من العيال
هههههههههههههه
اكيد كل ده اتغير شويه
ربنا يرزقنى انا وانتى برجاله من الى هم بيسمعوا الكلام الكويسين دول هههههههههههه
نورتينى
نون
واضح يا نون انك ما فهمتيش البوست كويس
اكيد فى ابهات عايزين يتفرمتوا من اول وجديد
وفى ازواج عايزين الحرق
وبالنسبه لرايى ده مش رايى انا عملت البوست عشان بس نضحك شويه لكن رايى مختلف تماما
نورتى
ابو حميد
جرى ايه يا بيبو انا قلت الواد هيدخل والاقيه اول واحد عندى
وفى الاخر تيجى تقول خلى بابا ينفعك
ماشى يا سى بيبو
هخلينى قاعده جمبه كده احسن ناخد على دماغنا
سلامى ليك يابو حميد وللواد فارس وخليك كريم وابعتلى صورتين ليه ينورونى ويفتحوا نفس المعلقين
نورتنى يا هندسه
بنت مصريه
ههههههههههههههههههههههههههه
معلش يا مصريه نلهيهم شويه عننا فى ميلودى
خليه يتفرج على هيفا وروبى
بس اكيد احنا الاصل والباقى تقليد
مش كده برضه
نورتينى
نونى
احب اشكرك على تعليقك
انا مش عندى صوره وحشه ولا حاجه
يا جماعه البوست ده بهدف الضحك والتاليس شويه على ازواج المستقبل بعد البوست الى فات عن البنات
هو المسلسل التركى مدبلج ولا مترجم
لو مدبلج نصيحه منى انا ما تبقيش تتفرجى عليه لانى مش عندى صبر اتفرج عليه بالزات لو كان التعليق بتاعهم خليجى لو كان مصرى ممكن لكن خليجى سورى مش هقدر
وشكرا على تنبيهك ليا
نورتينى
فعلا على راى احمد
خلى بابا ينفعك
يا بنتى دا فيه ابهات ما يتعاشروش
بس شكل بباكى طيب
مديكى فكره عن الابهات حلوه
تحياتى ياقمر
نودى
شوفت يا بيبو خليت الناس كلها تتكلم وتقوللى خلى بابا ينفعنى هههههههه
على رايك يا نودى فى ابهات ما يتعاشروش بس هنعمل ايه نصيبنا اننا نبقى ولادهم
بس الحمد لله بابايا زى العسل وسكره يا بختى بيه ههههههههههههههههههههه
نورتينى يا قمر
قطيعة محدش بياكلها بالساهل
يعني انتوا بتدونا فرصة نقول حاجة
دودودودودودودودودودوووووووو
محنا بنطلع همنا في الفرجة عالكورة و ميلودي برده و أحيانا الجزيرة
هه ^_^ هه ^_^ هه ^_^
و انتوا يا اما عالتليفون او الشوبنج
إرسال تعليق